અખંડ ભારતના શિલ્પી સરદાર વલ્લભભાઈ પટેલ
અખંડ ભારતના શિલ્પી એવા સરદાર વલ્લભભાઈ પટેલના જન્મદિવસે (એકતા દિવસ)ની ઊજવણી થઇ રહી છે અને તેમની યાદમાં વિશ્વની સૌથી ઊંચી પ્રતિમા sStatue Of Unityf નું સરદાર સરોવર પાસેના સાધુ બેટ પર દેશને સમર્પિત થઇ રહ્યું છે ત્યારે માત્ર ગુજરાત જ નહિ4 સમગ્ર ભારત દેશ માટે ગૌરવની વાત છે. અહીં શાળામાં ચાલતા ઈ મેગેઝીન 'ધબકાર' માં ઓક્ટોબર 2018ના અંકમાં તેમના જીવનના ગુણોનું દર્શન કરાવતી વાતોને પુનઃ અત્રે રજૂ કરી લોખંડી વ્યક્તિત્વ ધરાવતા અડગ મનના સરદારને એકતાનગર શાળા પરિવાર તરફથી ભાવાંજલિ અર્પીએ છીએ
ભારત અને
દેશ વિદેશમાં પણ સરદાર તરીકે
પોતાની પ્રતિભાનો પરિચય આપનાર અને સ્વતંત્રતાની લડતમાં મહત્વનો ફાળો આપનાર લોખંડી
પુરુષ તરીકે ઓળખાતા સરદાર વલ્લભભાઈ પટેલનો જન્મ 31 ઓક્ટોબર 1875માં થયો
હતો. પોતાના પિતાના વકીલાતના ધંધાને લીધે પોતે પણ વકીલાત સ્વીકારી ગાંધીજીના
સંપર્કમાં આવતા અંગ્રેજો સામેની લડતમાં જોડાઈ ભારત છોડો આંદોલનમાં પણ આગળ પડતી
ભૂમિકા ભજવી. ખેડૂતોની સતત ચિંતા કરી તેમના પ્રશ્નોના ઉકેલ માટે કાર્યરત સરદાર
વલ્લભભાઈએ ખેડા, બોરસદ અને બારડોલી સત્યાગ્રહમાં આગેવાની લઇ ઉપયોગી થતા
રહયા.
બગલમાં
થયેલ કાંખબલાઈ(ગુંમડુ)ને સહેજ પણ ડર વગર ફોડી નાખી નીડરતા દેખાડનાર વલ્લભભાઈમાં
અખંડ ભારતના રજવાડાને એકઠાં કરવામાં તેમની રાજકીય કુનેહના દર્શન થાય છે. ખેડા
જિલ્લાના ખેડૂતોને કરમાંથી રાહત આપવામાં અને ખેડૂતોને જમીન પરત અપાવવામાં તેમના
કાર્ય પ્રત્યેની પ્રતિબદ્ધતાના દર્શન થાય છે. નવરચિત
ગુજરાત પ્રદેશ કોંગ્રેસ સમિતીના અધ્યક્ષ બનવા ઉપરાંત, અસહકાર
ચળવળના સમર્થનમાં વલ્લભભાઈ ગાંધીજીની સાથે રહી દેશસેવા કરી હતી..
ભારત
દેશના ભાગલા સમયે "કાયરતા એ આપણી નબળાઈ છે, દુશ્મન
સામે છપ્પનની છાતી રાખો." એવી વિચારસરણી ધરાવનાર સરદાર પટેલ વ્યવહારુ નિર્ણય
શક્તિ ધરાવતા હતા. સપ્ટેમ્બર
1947માં
પાકિસ્તાનના કાશ્મીર પરના હુમલા વખતે તુરંત સેનાને મોકલનાર સરદારને કુશળ
રાજનીતિજ્ઞ તરીકે આજેય યાદ કરવામાં આવે છે. ભારતીય સનદી સેવા તેમજ ભારતીય પોલીસ સેવાની સ્થાપનામાં તેઓની મહત્વની ભૂમિકા
તથા સનદી અધિકારીઓ રાજનૈતિક કાવાદાવાથી દૂર રાખવાના પ્રયાસોને લીધે ભારતીય સેવાઓના
‘પેટ્રન સેન્ટ’ – આશ્રયદાતા સંત તરીકે
ઓળખવામાં આવે છે.
-- ('ધબકાર' ઓક્ટોબર 2018)
