વૃક્ષારોપણ, ધો.૧ પ્રવેશ તથા નોટબુક વિતરણ

 એક્તાનગર(નાપા) શાળામાં દાતા દ્વારા 

વૃક્ષારોપણ, ધો.૧ પ્રવેશ તથા નોટબુક વિતરણ કાર્યક્રમ

શાળા પર્યાવરણને શુદ્ધ રાખવા તથા શાળામાં આયુર્વેદિક ઔષધી અને ઑક્સીજન મળી રહે તે હેતુથી એકતાનગર પ્રા. શાળા (નાપા)ના પટાંગણમાં વૃક્ષારોપણ તથા દૂધડેરી ખાતે નોટબુક વિતરણ અને ધો. ૧ માં બાળકોને પ્રવેશ આપવાનો કાર્યક્રમ યોજાઈ ગયો. જેમાં પ્રદેશ મહિલા મોરચાના મંત્રી નીપાબેન પટેલ, દાતાશ્રી પિયુષભાઈ પટેલ, જિ.પં.સદસ્ય સાજીદભાઇ રાણા, મનુભાઈ રાણા, હરમાનજીભાઈ ઠાકોર, ઈરફાનમીયા કાજી, બૃંદાબેન પટેલ, ગ્રા.પં.સદસ્ય મંજુલાબેન ઠાકોર, નિરવભાઈ પટેલ, એસ.એમ.સી. સભ્યો, શાળાના મુ.શિ. ભાનુપ્રસાદ પંચાલ અને તમામ શિક્ષકોએ માસ્ક સહીત સામાજિક અંતર જાળવી હાજરી આપી હતી.

શાળા પરિવાર ધ્વારા મહેમાનોના સ્વાગત બાદ પ્રદેશ મહિલા મોરચા મંત્રી નીપાબેન પટેલ, દાતાશ્રી પિયુષભાઈ પટેલ, જિ. પં. સદસ્ય સાજીદભાઇ રાણા તથા અન્ય હાજર મહેમાનોના હસ્તે લીમડો, અરડૂસી, સરગવો, તુલસી, મીઠો લીમડો જેવા ઔષધીય વૃક્ષો તથા ફૂલ-છોડનું વૃક્ષારોપણ કરી સપ્તર્ષિ સંકલ્પ અંતર્ગત શાળામાં તૈયાર થનાર ઓક્સિજન પાર્કના શ્રીગણેશ કરવામાં આવ્યા હતા. 

દાતાશ્રી પિયુષભાઈ પટેલના હસ્તે બૃંદાબેન પટેલના જન્મદિવસે શાળામાં ધો. 6 થી 8 માં અભ્યાસ કરતાં બાળકોને જ્ઞાનસેતુ અંતર્ગત ઉપયોગી થઈ શકે તે હેતુથી વાલી સાથે હાજર બાળકોને નોટબુકનું વિતરણ કરવામાં આવ્યું હતું. COVID -19 ને લઈ શાળા પ્રવેશોત્સવ યોજાવાનો ન હોવાથી મહેમાનોના હસ્તે ધો. ૧ માં બાળકોને કુમકુમ તિલક કરી શૈક્ષણિક કીટ આપી પ્રવેશ આપવામાં આવ્યો. શાળાના શિક્ષિકા મનીષાબેન ખ્રિસ્તી તથા અનિતાબેન પારેખ તરફથી ધો. 1 અને 2 ના બાળકોને નોટબુક પેન્સિલ રબર સંચાની કીટ પણ આપવામાં આવી હતી.

પ્રદેશ મહિલા મોરચા મંત્રી નીપાબેન પટેલે શાળાની પ્રવૃત્તિઓને બિરદાવી, મહિલા જાગૃતિ અને શિક્ષણ અંગે સહકાર આપવાની ખાતરી સાથે શાળાને વોટર હાર્વેસ્ટિંગની સુવિધા આપવાની બાંહેધરી આપી હતી. દાતાશ્રી પિયુષભાઈ પટેલ તથા જિ. પં. સદસ્ય સાજીદભાઇ રાણાએ પ્રસંગોચિત વાત કરી હતી. 

શાળાના મુ.શિ. ભાનુપ્રસાદ પંચાલે જ્ઞાનસેતુ કાર્યક્રમ અંતર્ગત બ્રિઝ્કોર્સ, પર્યાવરણ પ્રયોગશાળા અને શેરી શિક્ષણ અંતર્ગત શાળામાં ચાલતી પ્રવૃત્તિઓથી સૌને માહિતગાર કર્યા હતા. એસ.એમ.સી. અને શાળા પરિવાર વતી કિરણભાઇ સોલંકીએ કાર્યક્રમના સંચાલનની સાથે સાથે શાળાકીય પ્રવૃત્તિઓમાં સહયોગી થવા બદલ સૌનો આભાર વ્યક્ત કર્યો હતો.

વિશ્વ યોગ દિવસ ઉજવણી - 21

 વિશ્વ યોગ દિવસ ઉજવણી - 2021 

 

આજે 21 જૂન, વર્ષનો સૌથી લાંબો દિવસ,  વિશ્વ યોગ દિવસ 

આજે 13 કલાક અને 28 મિનિટનો રહેશે દિવસ

આજના શુભ દિવસે શાળા પરિવારે સાથે મળી વિશ્વ યોગ દિવસની 

ઉજવણી કરવામાં આવી. 

સૂર્યનો ક્રાંતિવૃત્ત અને આકાશી વિષુવવૃત્ત વર્ષમાં 2 વાર એકબીજાને છેદે છે. 

આ છેદબિંદુને સંપાત દિવસ કહે છે. ક્રાંતિવૃત અને વિષુવવૃત એકબીજાને છેદે છે 

ત્યારે પહેલો દિવસ 20 માર્ચે આવે છે, ત્યારે દીવસ અને રાત સરખા હોય છે. 

બીજો દિવસ 21 જૂને આવે છે જે વર્ષનો સૌથી લાંબો દિવસ ગણાય છે, 

સાંજે 7.27 કલાકે થશે સૂર્યાસ્ત

20 માર્ચે ભારતમાં દિવસ અને રાત સરખા હોય છે, 

જ્યારે 21 જૂન હોય છે વર્ષનો સૌથી લાંબો દિવસ

  

શાળાના શિક્ષક કનુભાઈ રબારીએ યૌગિક ક્રિયાઓ કરાવી અને 

મુ.શિ. ભાનુપ્રસાદ પંચાલે યોગનું મહત્વ સમજાવી યોગ સાથે સહયોગી બનવા 

તથા જીવનમાં હકારાત્મકતા સાથે આગળ વધવાની વાત સમજાવી હતી. 

...........

વિશ્વ પર્યાવરણ દિવસ - 2021

વિશ્વ પર્યાવરણ દિવસ

 

આજનો દિવસ એટલે વિશ્વ પર્યાવરણ દિવસ.

કોરોના મહામારીમાં જ્યારે ઓક્સિજનની કમી વર્તાઇ ત્યારે સૌને વૃક્ષો યાદ આવ્યા અને આજે પણ આ દિવસની ઉજવણીના ભાગરૂપે સૌને વૃક્ષો યાદ આવ્યા છે.

પણ શું આપણે એવું ન કરી શકીએ કે,

આપણા માટે 365 દિવસ વિશ્વ પર્યાવરણ દિવસ જ હોય..!!

ગરમીમાં છાંયડો શોધતા અને પોતાની ગાડી પાર્ક કરવા માટે વૃક્ષ શોધતા આપણે આપણી આજુબાજુના પર્યાવરણ ને હરીયાળુ અને ખીલતુ બનાવવા સતત પ્રયત્નશીલ રહેવું જોઈએ.

માત્ર વૃક્ષો રોપીને સંતોષ ન માનતાં તેને ઉછેરવાનો સંકલ્પ લઈએ. સૌ સાથે મળી ઓક્સિજન વાવીએ, ઓક્સિજન મેળવીએ, ઓક્સિજન સાચવીએ અને પ્રભુ પ્રાર્થના કરીએ છીએ આપણને અને આપણી આવનાર પેઢીને ક્યારેય આ પરિસ્થિતિમાંથી પસાર ન થવું પડે.

સૌને વિશ્વ પર્યાવરણ દિવસની ખુબ ખુબ શુભકામનાઓ... અમારા શાળા બાગની તાજી ને લીલીછમ તસ્વીરો થકી વૃક્ષો વાવવા અને ઉછેરવાની પ્રેરણા મળે તેવી શુભેચ્છાઓ..