મહિલા શિક્ષણ દિવસ અને શાળા વનીકરણની ઉજવણી

મહિલા શિક્ષણ દિવસ અને શાળા વનીકરણની ઉજવણી

મહિલા સશક્તિકરણ પખવાડિયાની ઉજવણીના ભાગરૂપે મહિલા શિક્ષણ દિવસ તથા શાળા વનીકરણ કાર્યક્રમનું આયોજન કરવામાં આવ્યું. જેમાં નિવેદિતા ફાઉન્ડેશનના ચેરપર્સન નીપાબેન પટેલ, તાલુકા સદસ્ય ઈરફાનમીયાં કાજી, એસ.એમ.સી. અધ્યક્ષ રમીલાબેન ઠાકોર તથા એસ.એમ.સી. સભ્યોએ હાજરી આપી.

શાળાની બાળાઓ અને શિક્ષકોએ સાથે મળી મહિલા સશક્તિકરણ જાગૃતિ અર્થે રેલીનું આયોજન કર્યું હતું. 'બેટી બચાઓ, બેટી પઢાઓ' જેવા સ્લોગનો સાથે રેલીમાં ધો. 5 થી 8 ના બાળકો જોડાયા હતા.

ધો. ૫ થી ૮ માં અભ્યાસ કરતી દીકરીઓમાં નિબંધ તથા વકતૃત્વ સ્પર્ધા કરવામાં આવી હતી. પ્રથમ ત્રણ નંબરને શાળા તરફથી ઇનામ આપવામાં આવ્યા હતા. 

શાળાની દીકરીઓ સાથે ગણવેશ અંગે ચર્ચા કરવાની સાથે સાથે જીવનમાં બચત કરવાની ટેવ પાડવા અનુરોધ કરતા નીપાબેન પટેલ 

શાળાના બાળકોને ઘરે વાવી ઊછેર કરવા માટે એક છોડ ભેટ આપવામાં આવ્યો હતો. બાળકોએ પોતાના ઘરે રોપેલા છોડની કાળજી લેશે તેવો સંકલ્પ લીધો હતો.

શાળા વનીકરણ કાર્યક્રમ અંતર્ગત ‘એક ઝાડ, એક બાળ’ ને ધ્યાનમાં રાખી હાજર મહેમાનોના હસ્તે બાળકોને સાથે રાખી શાળાના પટાંગણમાં વૃક્ષારોપણ કરવામાં આવ્યું.

સરદાર ગુર્જરી  - 9/8/2019 

દિવ્ય ભાસ્કર  - 8/8/2019 

સ્થાનિક સમાચારપાત્રોએ પણ અમારા કામને બધા વાચકો સુધી પહોચાડ્યું.       આભાર...