શાળા પ્રવેશોત્સવ - 2022

 એકતાનગર શાળામાં પ્રવેશોત્સવ કાર્યક્રમ તથા ‘એક્તા રામહાટ’નું બાલાર્પણ

શાળામાં બાળકોને ભણવું અને રોકાવું ગમે એવા વાતાવરણમાં એકતાનગર શાળાના ધો. 1, 6 ના બાળકો અને આંગણવાડીના બાળકોને શાળા પ્રવેશોત્સવ દરમ્યાન હાજર મહાનુભાવોના હસ્તે શાળા પ્રવેશ આપવામાં આવ્યો. 

 

મુખ્ય મહેમાન તરીકે કૃષિ યુનિવર્સિટીના એગ્રીકલ્ચર કોલેજના પ્રિન્સિપાલ અને ડીન શ્રી ડો. નીતિનભાઈ શાહ, લાયઝન અધિકારી રવિભાઈ પટેલ, જિ.પં. સદસ્ય સાજીદભાઈ રાણા, પૂર્વ તા. પં. પ્રમુખ ઈરફાનમીયાં કાજી, સીઆરસીસી જયંતિભાઈ મકવાણા, ઉપસરપંચશ્રી મધુબેન ઠાકોર, સાલીમમીયાં કાજી, પિયુષભાઈ પટેલ, ગ્રામ અગ્રણી સંજયભાઈ ઠાકોર, એસએમસી અધ્યક્ષ સંજયભાઈ ઠાકોર, દાતાશ્રી આશીકમીયાં કાજી, નિવેદિતા ફાઉન્ડેશન પ્રતિનિધિ ત્રિશાબેન શાહ, આંગણવાડી કાર્યકરો, વાલીઓ, એસ.એમ.સી સભ્યો, શિક્ષકો તથા બાળકોએ હાજરી આપી હતી.

 

પ્રાર્થના અને દીપ પ્રાગટ્ય કરી કાર્યક્રમને ખુલ્લો મુકાયો હતો. કાર્યક્રમમાં મહેમાનોનું પુસ્તક આપી શબ્દોથી સ્વાગત શાળાના મુ.શી. ભાનુપ્રસાદ પંચાલે કર્યું હતું. આંગણવાડીના ભૂલકાઓ, ધોરણ 1 અને 6 માં નવીન પ્રવેશ પામેલ બાળકોને મહેમાનોના હસ્તે કુમકુમ તિલક કરી તથા દફતર કીટ આપી પ્રવેશ આપાયો હતો. આશીકમીયાં કાજી તરફથી ધો.૧ માં પ્રવેશ પામનાર બાળકોને દફતરની કીટ આપવામાં આવી હતી. 

 

મુખ્ય મહેમાન ડોં. નીતિનભાઈ શાહે બાળકોને આશીર્વચન પાઠવ્યા હતા. શાળાના બાળકો ટેકનોલોજીનો ઉપયોગથી અભ્યાસ કરી શકે તે હેતુથી પિયુષભાઈ પટેલ પરિવાર તરફથી 2 LED ટી.વી.ની ભેટ આપવામાં આવી હતી. ટ્રાન્સપોર્ટશન સુવિધાને મહેમાનોના હસ્તે લીલીઝંડી આપવામાં આવી હતી. શાળાના બાળકો શાળામાંથી જ ખરીદી કરે ને ખરીદ પ્રક્રિયાની સમજ કેળવે તે હેતુથી રાજેશભાઈ પરમારના આર્થિક સહયોગથી શાળામાં 'એકતા રામહાટ' નું બાલાર્પણ કરવામાં આવ્યું હતું.

 

શાળાના મુ. શિ. ભાનુપ્રસાદ પંચાલ તરફથી શાળાના બાળકોને તિથિભોજન આપવામાં આવ્યું હતું. મહેમાનોના હસ્તે દાતાઓનું શાલ ઓઢાડી સન્માન કરવામાં આવ્યું હતું. 

 

શાળાની દિકરીઓએ 'આઝાદીના અમૃત મહોત્સવ' અને 'પાણી બચાવો' જેવા વક્તવ્ય પર વક્તવ્ય આપ્યું હતું. મહેમાનોના હસ્તે શાળામાં વૃક્ષારોપણ કરવામાં આવ્યું હતું. શાળાના શિક્ષકો અને એસ.એમ.સી. સભ્યોએ કાર્યક્રમને સફળ બનાવવામાં સહકાર આપ્યો હતો. કાર્યક્રમનું સંચાલન શાળાની બે દીકરીઓ અને કિરણભાઈ સોલંકીએ કર્યું હતું. આભારવિધિ ડૉ. હિતેન સોલંકીએ કરી હતી.   

કીટ વિતરણ કાર્યક્રમ

 સ્વામિનારાયણ ગોકુલધામ, નાર ધ્વારા શાળામાં કીટ વિતરણ કાર્યક્રમ

સ્વામિનારાયણ ગોકુલધામ, નાર આયોજિત 'સદવિદ્યા' સેવાયજ્ઞ અંતર્ગત એકતાનગર પ્રા. શાળામાં અભ્યાસ કરતાં બાળકોને કીટ વિતરણનો કાર્યક્રમ યોજાઈ ગયો. જેમાં એસ.એમ.સી અધ્યક્ષ સંજયભાઈ ઠાકોર, ગ્રામઅગ્રણી સંજયભાઈ ઠાકોર, એસ.એમ.સી સભ્યો, વાલીઓ, બાળકો, મુ.શિ. ભાનુપ્રસાદ પંચાલ તથા શાળાના શિક્ષકોએ હાજરી આપી હતી.

 

કાર્યક્રમની શરૂઆત પ્રાસંગિક ઉદબોધનથી કરવામાં આવી હતી. શાળાના શિક્ષક કિરણભાઈ સોલંકી સૌને શબ્દોથી આવકારી સ્વામિનારાયણ ગોકુલધામ, નાર સંસ્થા દ્વારા આણંદ જિલ્લાના સરકારી શાળાના તમામ બાળકોને સંસ્થા પેન્સિલ, બિસ્કિટ, નાસ્તાનો ડબ્બો, નોટબુક, ચોપડાનું વિતરણ કરવામાં આવી રહ્યું છે તેની વિગતો આપી હતી.

શાળાના શિક્ષક કનુભાઈ રબારીએ સંસ્થા પરિચય કરાવી સંસ્થાના કામોની ઝાંખી કરાવી હતી. સી.આર.સી.સી. જયંતિભાઈ મકવાણાએ શાળા મુલાકાત લઈ કાર્યક્રમ માટે શુભકામનાઓ પાઠવી હતી. 

સ્વામિનારાયણ ગોકુલધામ, નાર આયોજિત 'સદવિદ્યા' સેવાયજ્ઞ અંતર્ગત બાળકોએ કીટ વિતરણ કાર્યક્રમમાં ગ્રામજનોએ હાજરી આપી હતી. 

 

ધોરણવાર બાળકોને મહેમાનોના હસ્તે કીટ વિતરણ આપવામાં આવ્યું હતું. 

બાળકોના ચહેરા પર ખૂબ જ ખુશી જોવા મળી હતી.  

 

શાળાના મુખ્યશિક્ષક ભાનુપ્રસાદ પંચાલે પોતાના ઉદબોધનમાં સંસ્થાના દાતાઓનો આભાર વ્યક્ત કરી વાલીઓને બાળકો માટે સતત પ્રવૃત્ત રહેવા જણાવ્યુ હતું. કાર્યક્રમમાં હાજર સૌ મહેમાનોના હસ્તે કીટ વિતરણ કરવામાં આવ્યું હતું. એસ.એમ.સી સભ્યો અને શાળા પરિવારે બાળકોને કીટ વિતરણ કરવા બદલ સંસ્થાનો આભાર વ્યક્ત કર્યો હતો. શાળાના શિક્ષકોએ કાર્યક્રમને સફળ બનાવવા જહેમત ઉઠાવી હતી.  

સ્કીલ્સ એન્ડ પર્સનાલિટી ડેવલપમેંટ વર્કશોપ - 2022

 સ્કીલ્સ એન્ડ પર્સનાલિટી ડેવલપમેંટ વર્કશોપ - 2022

બાળકોમાં રહેલી આંતરિક શક્તિઓને બહાર લાવવાના હેતુથી ‘કૌશલ્યની કેડીએ’ અંતર્ગત એક્તાનગર શાળામાં 6 દિવસીય સ્કીલ્સ અને પર્સનાલિટી ડેવલોપમેન્ટ વર્કશોપનું આયોજન કરાયું હતું.

  

જિ.પં. પ્રમુખ હંસાબેન, ડાયટ પ્રાચાર્યશ્રી બનેસિંહ ગઢવી, સાજીદભાઈ રાણા - જિ.પં,સદસ્ય, ડોં.મીરાંબેન જાદવ, રોબર્ટ સર CREDP ચારુસેટ-ચાંગા, રિપલબેન તથા વિશ્વા બારોટ -નોબલ હેન્ડસ, મનીષાબેન સોલંકી -હ્યૂમન રાઇટ્સ સંસ્થા, આણંદ, ઈરફાનમીયાં કાજી, સાલીમમીયાં કાજી, પિયૂષભાઈ પટેલ, આકાશભાઈ શાહ, જ્યોત્સનાબેન ચૌહાણ-વકીલ, ડોં.પ્રતિક, અલ્પેશ પટેલ, સ્મિતાબેન જોશી, હરમાનજીભાઇ ઠાકોર, સંજયભાઈ ઠાકોર, મુ.શિ. ભાનુપ્રસાદ પંચાલ, શિક્ષકો તથા 75 થી વધુ બાળકો, વાલીઓ અને શિક્ષકોએ હાજરી આપી હતી.

 

 

કોલાઝ વર્ક, કેશગૂંફન, ફૂડ રેસીપીની સાથે સાથે બાળકોને  સ્કેટિંગ, ફૂટબોલ, ક્રિકેટ, બેડમિંટન જેવી રમવાની તક પણ પૂરી પાડવામાં આવી. વર્કશોપમાં હાજર બાળકોને મહેમાનોના હસ્તે ચારુસેટ,ચાંગા ધ્વારા કીટ તથા મીરાંબેન જાદવ તરફથી નોટપેડ પણ આપવામાં આવ્યા હતા. 

 

 છ દિવસ ચાલેલા આ વર્કશોપમાં બાળકોની સ્કીલની સાથે સાથે પર્સનાલિટીમાં બદલ આવે તે હેતુથી ડો. હિતેન સોલંકી અને મુ.શિ. ભાનુપ્રસાદ પંચાલે વિવિધ પ્રવૃત્તિઓ અને વાતો ધ્વારા સમજ આપી હતી.  

 

બાળકોને વાર્તા નિર્માણની સાથે સાથે પોતાની YouTube ચેનલ કેવી રીતે બનાવી શકાય તેની સમજ પણ એક્સપર્ટ ધ્વારા આપવામાં આવી. પોતાની રીતે અલગ અંદાઝમાં ફોટા પાડતાં પણ અલ્પેશભાઇ પટેલે શીખવ્યું હતું. શ્રેષ્ઠ પાંચ ફોટાને ઈનામ આપી પ્રોત્સાહિત કરાયા હતા.  

 

હાજર મહેમાનોના હસ્તે શાળામાં વૃક્ષારોપણ પણ કરવામાં આવ્યું. વૃક્ષોનું જતન કરનાર 5 બાળકોને ‘વૃક્ષ મિત્ર’ પ્રમાણપત્ર આપવામાં આવ્યા હતા. 

વિશ્વ પર્યાવરણ દિવસની ઉજવણીના ભાગરૂપે જ્યોત્સનાબેન અને સ્મિતાબેન તરફથી બાળકોને છોડના રોપાનું વિતરણ કરી, ઉછેરના સંકલ્પ બાદ મહેમાનોના હસ્તે શાળામાં વૃક્ષારોપણ કરાયું હતું. 

શાળાને ગ્રીન સ્કુલ બનાવવાના હેતુથી વૃક્ષોનું જતન કરનાર બાળકોને આગામી વર્ષે શાળા તરફથી ‘વૃક્ષ મિત્ર’ પુરસ્કાર તથા પિયૂષભાઈ પટેલ તરફથી રોકડ પુરસ્કાર આપવાની જાહેરાત કરાઇ હતી. 

 

 જિ.પં. પ્રમુખ હંસાબેન તથા પ્રાચાર્યશ્રી બનેસિંહ ગઢવીએ વર્કશોપ અંતર્ગત થયેલી પ્રવૃત્તિઓને બિરદાવી બાળકોને આગળ વધવા અનુરોધ કર્યો હતો તથા બાળકો સાથે વાર્તાલાપ કર્યો હતો. 

મહેમાનોએ પ્રદર્શન અને ખાદ્ય સ્ટોલની મુલાકાત લઈ રાખડી જેવી વસ્તુઓ પિયુષભાઈ પટેલ તથા સાલીમમીયાં કાજીએ ખરીદી બાળકોને ઉપયોગી થયા હતા. 

 

NGO ના એક્સપર્ટ ધ્વારા બાળકોને ક્રિકેટ, સ્કેટિંગ, બેડમિંટન પેઇન્ટિંગ, ક્રાફ્ટ, વાર્તાકથન, સ્કેટિંગ, કરાટે, કેશગૂંફન, રાખી મેકિંગ, ફાસ્ટ ફૂડ રેસીપી, કોલાઝ વર્ક, ફોટોગ્રાફી જેવી પ્રવૃતિઓ બાળકોને નિઃશુલ્ક શીખવવામાં આવી હતી. 

શાળા સાથે જોડાઈને પ્રવૃત્તિઓમાં સહયોગી થવા બદલ મુ.શિ. ભાનુપ્રસાદ પંચાલે સહયોગી સૌનો આભાર વ્યક્ત કર્યો હતો. સમગ્ર વર્કશોપનું સંચાલન ડો. હિતેન સોલંકીએ કર્યું હતું. સમાપન કાર્યક્રમનું સંચાલન કિરણભાઈ સોલંકીએ કર્યું હતું. 

 

આભાર : સરદાર ગુર્જરી, નયા પડકાર, ચરોતર ભાસ્કર.